Бөгүн Баян-Колдуң тевелерин кыргаан

Бөгүн, апрель 30-де, Кызыл кожууннуң Баян-Кол сумуга теве кыргыыр байырлал болуп эрткен. Чаңчыл болган фестивальды ыяап-ла Май 1-ниң байырлалының бүдүүзүнде эрттирип турар. Көрүкчүлер саны чылдан чылче өзүп турары база илдең. Бо чылгы байырлалдың хүндүлүг аалчызы – Дээди Хуралдың Даргазы Кан-оол Даваа болган. Ол хемчегниң организакчыларынга болгаш киржикчилеринге байыр чедиргеш, чоннуң чаагай чаңчылдарының сагылгазы амыдыралга чугулазын демдеглээн. Шынап-ла, көшкүн чоннарда мал азыралы-биле холбашкан онза чаңчылдар элбек. Теве кыргылдазы амыр эвес ажыл. Тевени чүгле чыттырып алгаш кыргыыр. Ону ужурарда алдыдан эвээш эвес санныг шыырак, дуржулгалыг эр херек. Бо байырлалда теве чарыжы, ыры-шоорлуг концерт база болуп эрткен.https://vk.com/khuraltyva?w=wall-114457376_30496&ysclid=lvmgt7oj8z858106166