Тыванын аныяктары: Кызылдың 4 дугаар школазында септелге ажылдары доозулган

Кызыл хооорайның 4 дугаар школазында капитал септелге доозулган. Ол дугайында Тываның Баштыңы Владислав Ховалыг социал четкилерде арынында дыңнаткан. 

Владислав Ховалыг, Тываның Баштыңы: 

- Кызыл хоорайның база бир улуг өөредилге албан черинде, 4 дугаар школада, «Өөредилге» национал төлевилел езугаар капитал септелге доозулган. Уруглар ынак школазының эргинин артап, чаарттынган школага дүрген өөренип эгелээри-биле, ажылды шапкынчыдар дугайында ада-иелерниң дилеглерин ап тур мен. Чаарттынган школаже уруглар чаа чылдың бетинде кирер, амдыызында 19 дугаар школада өөренип турарлар. 

Школаның оран-савазы улуг. Найысылалда чаңгыс-ла борбак 4 каът школа болур. Мында кадыкшылының аайы-биле харык-шинээ кызыгаарлыг уруглар база өөренип турар. Ажылды шынарлыг кылыр дээш подрядчик бүгү күжүн салган, чамдыкта сметадан ажыр-даа. Оран-саваның иштинде өрээлдер көскүзү-биле өскерилген, аңаа уругларга немелде өөредилгениң бөлгүмнерин эрттирип болур. Шагда, 80 чылдарда, школаның бокс секциязынче барып турганымны сактып келдим. Ам мында чырык, чылыг. Уруглар таарымчалыг байдалдарга өөренир.

https://vk.com/molodejjjtuva