Вы здесь
Ыдыктыг Үш үневис: тыва дылывыс, чер-чуртувус, төрээн чонувус
29.10.2024, 21:56 1828 просмотров
"Үш үне" республика чергелиг этнодиктантыны Национал школалар хөгжүдер институттуң коллективи Тыва дыл хүнүн уткуштур организастап турар. Этнодиктантыда регионнуң чурттакчы чону идепкейлии-биле киржип эгелээн. Тыва дыл хүнүнге тураскааткан хемчег чылдан чылче сайзырап, киржикчилери көвүдеп, тыва дылын үнелээр кижилерниң саны немежип олурар. Ол ышкаш киржикчи бүрүзү тыва национал идик-хевин кедип алгаш, этнодиктантыны бижип кээп турары онзагай.
«Ыдыктыг Үш үневис – тыва дылывыс, чер-чуртувус, төрээн чонувус дугайында этнокультурлуг диктант Тыва дыл хүнүнге тураскааттынган. Улуг-бичии чурттакчылар төрээн чериниң, төрээн чонунуң болгаш дылының дугайында билиин хынап, сонуургап турары өөрүнчүг. Диктант онлайн хевирде эртип турар. Ында ниитизи-биле 30 айтырыг бар. Бир айтырыгда-ла 4 харыы бар. Эң улуг балл – 100. Чазыптар болза, 0 балл болур. Диктант 2024 чылдың октябрь 24-тен 31-ге чедир ажык турар. Ону кижи бүрүзү 45 минута иштинде кылыр» - деп, Национал школа хөгжүдер институттуң директору Елена Куулар таныштырган .
Ажылды кылган түңнелинде киржикчи бүрүзүнге долу ат-сывын болгаш алган баллдарын бижип каан сертификат электроннуг хевирге үнүп кээр (адаанче бадырыптар, jpeg азы pdf хевиринге кииртип ап болур). 100 хуу шын харыылаан тиилекчилерге Өөредилге яамызының шаңнал бижиктерин тыпсыр.
Чуруктарда Ак-Довурак хоорайдан «Үш үне» этнодиктантының киржикчилери.
https://vk.com/minobrtuva?w=wall-38636573_47298&ysclid=m2ukcamckn739685083
