Елена Самбала : Чаа өөредилге чылынга белениниң паспорттарын август эгезинде алыры чугула

Август айда чаа өөредилге чылынга белеткел ажылдары күштелир. Республиканың школаларының капитал септелгези адакталып турар. Амгы үеде оларның девискээрин чаагайжыдар ажылдар болгаш чылыдылга системаларының техниктиг хандырылгазы, антитеррорлуг айыыл чок чорук дээш оон-даа өске кылыр ужурлуг хемчеглер арткан. Ол дугайында республиканың өөредилге сайыды Елена Самбала бодунуң блогунда бижээн. 

«Объектилерниң чаа өөредилге чылынга белеткелин хыналдага ап эгеледивис. Школаларны өөредилге чылынга белеткээри-биле угланыышкын бүрүзүнге кызымаккай хынамчалыг чорук негеттинер: өөредилге объектилериниң девискээрлерин чаагайжыдары, чылыдылга системазының болгаш суг хандырылгазының техниктиг хыналдазы, өрт база антитеррорлуг айыыл чок чорук, котельнаяларны белеткээри, оран-саваларның капитал септелгези дээш оон-даа өске. 

Оларның иштинде база бир чугула айтырыгның бирээзи – кышка белеткел. Соңгу чүктүң сөөртүлгези езугаар ырак-узак чуртталга пунктуларының уруглар садтарынче болгаш школаларже хөмүр-дашты база оттулар ыяшты дажып эгелээнин демдеглекседим. Ооң соонда өске өөредилге албан черлеринче кирер. Автономнуг котельнаяларлыг өөредилге албан черлеринде хөмүр-даштың артыы бар. Регионда оларның саны 247. 

Өөреникчилерниң шынарлыг билиг чедип алырынга таарымчалыг байдалдарны хандырарының чугулазын өөренип көргеш, муниципалдыг тургузугларда удуртукчуларны чаа өөредилге чылынга белеткел ажылдарын хууда хыналдага алырын диледим.

Муниципалдыг тургузугларның девискээринде өөредилге организациялары август айның бирги декадазында белениниң паспорттарын алыр ужурлуг. Тываның Өөредилге яамызы бо айтырыгны тускай контрольда алган» - деп, сайыт демдеглээн. 

https://vk.com/minobrtuva?w=wall-38636573_45433&ysclid=lzbfj12oba820948154