Барыын-Хемчик кожууннуң Хөнделең суурунуң школазынга «Өзүлдениң базымы» төп ажыттынар

Барыын-Хемчик кожууннуң Хөнделең сумузунуң школазында 40 хире уруг өөренип турар. Чаа өөредилге чылында оолдар, уруглар «Өөредилге» национал төлевилел езугаар тургустунар «Өзүлдениң базымы» технологтуг болгаш бойдус-эртем угланыышкынныг төпке өөренирлер. 500 кижиден көвүдевес эвээш чурттакчылыг бичии суурга ол база бир бурунгаар базым, хөгжүлде болур. Ол ышкаш башкылар өөредилгеге амгы үениң аргаларын ажыглап, билигниң шынарын бедидерлер. 

«Бистиң бичии школавыска «Өзүлдениң базымы» төптү ажыдып, амгы үениң чаа дериг-херекселдерин ап турары өөрүнчүг. Ооң ачызында уругларның кичээлден дашкаар ажыл-чорудулгазын чүүл-бүрү кылдыр эрттирип, башкылар өөредилгениң чаа хевиринче кирер аргалыг апарган. Башкылар «Өзүлдениң базымы» төпке уруг бүрүзүнүң сайзыралын экижидер дээрзинге бүзүрелим улуг. «Өзүлдениң базымы» төптүң класстарын белеткеп алган бис, бо чоокку үеде дериг-херекселин салыр» - деп, школаның директору Валентина Кужугетовна Кенден-оол демдеглээн. 

Ниитизи-биле регионга бо чылын 16 төптү ажыдар. Оларның иштинде 3 төп коррекциялыг өөредилге албан черлеринге ажыттынар. Амгы үеде Тывада «Өөредилге» национал төлевилел езугаар 128 «Өзүлдениң базымы» төптер тургустунган, а бо чылдың сентябрь айда 144 чедер.

https://vk.com/minobrtuva?w=wall-38636573_45075&ysclid=lypnov48q2943815992