Вы здесь
Ишкин сумузунга Сүт-Хөл кожуундан укталган мөгелер аразынга долгандырыг хевирге тыва хүреш маргылдаазы болуп эрткен
31.01.2023, 15:48 1608 просмотров
Ниитизи-биле 20 мөге хүрешкен. Тыва Республиканың Начын мөгези Ондар Кайгал-оол шүүлген (Кара-Чыраа), үжүүрүнде элээди Арзылаң мөге Ширижик Туметей (Бора-Тайга), 3-4-кү черлерни Калин-оол Соруктуг (Бора-Тайга, Алдыы-Соор), Монгуш Аян (Ишкин, Ийме), 5-8-ки черлерни Ховалыг Алик (Ишкин), Ондар Алдаржы (Ишкин), Кускаайлы Байыр (Суг-Аксы), Сат Кудер (Суг-Аксы) алганнар.
Шүүлген мөгениң кол деткикчизи - Тыва Республиканың алдарлыг чылгычызы Александр Дадар-оолович Тулуш (Кайгал Саш) чоруктуг чыраа 2 харлыг мал-биле шаңнаан. Үжүүрлешкен мөгени суму баштыңы Алдын-Херел Найдан-оолович молдурга-биле шаңнаан. 3-4-кү черлерни ирттер-биле сумунуң малчыннары деткээн, 5-8-ки шаңналдыг черлер кирген мөгелерни акшалар-биле сумунуң хуу сайгарлыкчылары шаңнаан.
Үнүп кел келген чылды "Демнежилге чылы" кылдыр чарлааны-биле, ишкинчилер демниин көргүзүп, маргылдааны бедик деңнелге эрттирген.
https://t.me/news_tuvmo/1266 телеграмм-канал "Новости муниципалитетов Тувы"
